«តាមការពិត មានការជាច្រើនទៀតដែលលោកយេស៊ូបានធ្វើ ហើយប្រសិនបើសរសេរអំពីការទាំងនោះឲ្យបានល្អិតល្អន់ ខ្ញុំគិតថាពិភពលោកទាំងមូលមិនល្មមទុករមូរទាំងអស់នោះឡើយ» (យ៉ូហាន ២១:២៥)
ព្រះយេស៊ូវគ្រីស្ទនិងអព្ភូតហេតុដំបូងដែលបានសរសេរនៅក្នុងដំណឹងល្អរបស់យ៉ូហានគាត់ប្រែទឹកទៅជាស្រា៖“លុះនៅថ្ងៃទី៣ មានគេរៀបចំភោជនាហារអបអរអាពាហ៍ពិពាហ៍មួយនៅភូមិកាណាក្នុងស្រុកកាលីឡេ ហើយម្ដាយរបស់លោកយេស៊ូនៅទីនោះ។ លោកយេស៊ូនិងពួកអ្នកកាន់តាមលោកក៏បានត្រូវអញ្ជើញឲ្យចូលរួមពិធីរៀបអាពាហ៍ពិពាហ៍នោះដែរ។ នៅពេលជិតអស់ស្រាទំពាំងបាយជូរ ម្ដាយរបស់លោកយេស៊ូជម្រាបលោកថា៖ «ពួកគេអស់ស្រាហើយ»។ ប៉ុន្តែ លោកយេស៊ូមានប្រសាសន៍ទៅម្ដាយថា៖«ស្ត្រីអើយ នេះមិនមែនជារឿងរបស់យើងទាំងពីរទេ។ វេលារបស់ខ្ញុំមិនទាន់មកដល់ទេ»។ ម្ដាយរបស់លោកក៏ប្រាប់ពួកអ្នកដែលកំពុងបម្រើថា៖ «ចូរធ្វើតាមអ្វីដែលលោកប្រាប់ឲ្យធ្វើចុះ»។ នៅទីនោះមានពាងទឹក៦ធ្វើពីថ្ម ទុកសម្រាប់លាងសម្អាតស្របតាមវិន័យរបស់ជនជាតិយូដា។ ពាងនីមួយៗមានចំណុះប្រហែលពីរទៅបីរង្វាល់។ លោកយេស៊ូមានប្រសាសន៍ទៅពួកគេថា«ចូរចាក់ទឹកឲ្យពេញពាងទាំងនេះ»។ រួចពួកគេក៏ចាក់ទឹកពេញដល់មាត់ពាង។ បន្ទាប់មក លោកយេស៊ូមានប្រសាសន៍ទៅពួកគេថា៖«ឥឡូវ ចូរដងខ្លះយកទៅឲ្យអ្នកចាត់ចែងពិធី»។ ដូច្នេះ ពួកគេក៏ដងខ្លះទៅ។ ពេលអ្នកចាត់ចែងពិធីបានភ្លក់ទឹកដែលបានត្រូវធ្វើឲ្យក្លាយជាស្រាទំពាំងបាយជូរ នោះគាត់មិនដឹងថាស្រានោះបានមកពីណាទេ (តែពួកអ្នកដែលកំពុងបម្រើបានដឹង ដោយសារពួកគេបានដងទឹកនោះចេញ)។ រួចអ្នកចាត់ចែងពិធីក៏ហៅកូនកំលោះមក ហើយប្រាប់គាត់ថា៖ «មនុស្សគ្រប់គ្នាតែងតែជូនស្រាដែលមានគុណភាពល្អមុន រួចពេលដែលភ្ញៀវស្រវឹងហើយ ទើបយកស្រាដែលមានគុណភាពអន់មកជូនវិញ។ ប៉ុន្តែ អ្នកបានទុកស្រាល្អរហូតដល់ឥឡូវនេះទើបជូនភ្ញៀវ»។ លោកយេស៊ូបានធ្វើការនេះនៅភូមិកាណាក្នុងស្រុកកាលីឡេ ហើយនេះជាសញ្ញាសម្គាល់ដំបូងបង្អស់របស់លោក។ លោកបានបង្ហាញឲ្យឃើញសិរីរុងរឿងរបស់លោក ហើយពួកអ្នកកាន់តាមលោកក៏មានជំនឿលើលោក” (យ៉ូហាន ២:១-១១)។
ព្រះយេស៊ូវគ្រីស្ទប្រោសកូនប្រុសរបស់អ្នកបម្រើរបស់ស្តេច៖ « ក្រោយមក លោកបានមកភូមិកាណានៅស្រុកកាលីឡេម្ដងទៀត ជាកន្លែងដែលលោកបានធ្វើឲ្យទឹកក្លាយទៅជាស្រា។ មានបុរសម្នាក់ដែលជាអ្នកបម្រើស្ដេច ហើយកូនប្រុសរបស់គាត់កំពុងឈឺនៅក្រុងកាពើណិម។ នៅពេលដែលបុរសនេះឮថាលោកយេស៊ូបានចេញពីតំបន់យូឌាមកស្រុកកាលីឡេ នោះគាត់បានចេញទៅសុំលោកឲ្យចុះមក ហើយជួយធ្វើឲ្យកូនប្រុសរបស់គាត់ជាផង ព្រោះកូនរបស់គាត់ជិតស្លាប់ហើយ។ ក៏ប៉ុន្តែ លោកយេស៊ូមានប្រសាសន៍ទៅគាត់ថា៖ «អ្នករាល់គ្នានឹងមិនជឿឡើយ លុះត្រាតែឃើញសញ្ញាសម្គាល់និងការអស្ចារ្យ»។ អ្នកបម្រើស្ដេចជម្រាបលោកថា៖ «លោកម្ចាស់ សូមចុះមក មុនកូនរបស់ខ្ញុំស្លាប់»។ លោកយេស៊ូមានប្រសាសន៍ទៅគាត់ថា៖ «អញ្ជើញទៅចុះ កូនប្រុសរបស់អ្នកបានជាឡើងវិញហើយ»។ បុរសនោះជឿប្រសាសន៍របស់លោកយេស៊ូ ហើយក៏ត្រឡប់ទៅផ្ទះវិញ។ លុះពេលគាត់កំពុងធ្វើដំណើរត្រឡប់ទៅផ្ទះវិញ ពួកខ្ញុំបម្រើរបស់គាត់បានមកជួបគាត់ ហើយប្រាប់ថាកូនប្រុសរបស់គាត់បានជាឡើងវិញហើយ។ ដូច្នេះ គាត់សួរពួកគេអំពីម៉ោងណាដែលកូនរបស់គាត់មានសុខភាពល្អឡើងវិញ។ ពួកគេប្រាប់គាត់ថា៖ «ម្សិលមិញ នៅម៉ោងទី៧ គ្រុនក៏បាត់ពីគាត់ទៅ»។ ដូច្នេះ ឪពុករបស់កូននោះក៏ដឹងថា គឺនៅម៉ោងនោះឯងដែលលោកយេស៊ូបានមានប្រសាសន៍ថា៖ «កូនប្រុសរបស់អ្នកបានជាឡើងវិញហើយ»។ រួចគាត់និងពួកអ្នកផ្ទះទាំងអស់របស់គាត់បានទៅជាអ្នកជឿ។ នេះជាសញ្ញាសម្គាល់ទី២ដែលលោកយេស៊ូបានធ្វើ ពេលចេញពីតំបន់យូឌាមកស្រុកកាលីឡេវិញ » (យ៉ូហាន ៤:៤៦-៥៤)។
ព្រះយេស៊ូវគ្រីស្ទព្យាបាលបុរសម្នាក់ដែលមានអារក្សចូលនៅកាពើណិម៖ « ក្រោយនោះ លោកចុះទៅក្រុងកាពើណិមនៅស្រុកកាលីឡេ ហើយបានបង្រៀនបណ្ដាជននៅថ្ងៃឈប់សម្រាក។ ពួកគេបាននឹកអស្ចារ្យក្នុងចិត្តដោយសារសេចក្ដីបង្រៀនរបស់លោក ពីព្រោះលោកមានប្រសាសន៍ដូចជាអ្នកដែលមានអំណាចពីព្រះ។ ដំណាលគ្នានោះ ក្នុងសាលាប្រជុំមានបុរសម្នាក់ដែលមានវិញ្ញាណអសោច*ចូល ហើយគាត់ស្រែកយ៉ាងខ្លាំងថា៖ «នែ! យេស៊ូពីក្រុងណាសារ៉ែត! តើអ្នកមករំខានពួកយើងធ្វើអ្វី? តើអ្នកមកបំផ្លាញយើងឬ? ខ្ញុំដឹងច្បាស់ថាអ្នកជាអ្នកណា។ អ្នកជាអ្នកបរិសុទ្ធរបស់ព្រះ»។ លោកយេស៊ូក៏ស្ដីបន្ទោសវាថា៖ «ចូរស្ងៀមទៅ! ហើយចេញពីគាត់ភ្លាម»។ ដូច្នេះ វិញ្ញាណកំណាចនោះបានផ្ដួលបុរសនោះនៅមុខបណ្ដាជន រួចចេញពីគាត់ទៅដោយមិនធ្វើទុក្ខគាត់ឡើយ។ ឃើញដូច្នេះ ពួកគេទាំងអស់គ្នានឹកស្ងើចក្នុងចិត្ត ហើយចាប់ផ្ដើមនិយាយគ្នាថា៖ «សម្ដីអ្វីក៏ពូកែម្ល៉េះ! ព្រោះលោកបង្គាប់វិញ្ញាណអសោចដោយអំណាចនិងឫទ្ធានុភាព ហើយពួកវាក៏ចេញទៅ!»។ ដូច្នេះ ដំណឹងអំពីលោកបានឮសុសសាយពេញតំបន់នៅជុំវិញនោះ » (លូកា ៤:៣១-៣៧)។
ព្រះយេស៊ូវគ្រីស្ទដេញអារក្សនៅក្នុងដែនដីកាដារ៉េន (ឥឡូវហ្ស៊កដានីភាគខាងកើតទន្លេយ័រដាន់ក្បែរបឹងទីបេរ៉ាស)៖ « លុះទៅដល់ត្រើយម្ខាងក្នុងតំបន់កេដារ៉ាហើយ មានបុរសពីរនាក់ដែលមានវិញ្ញាណកំណាចចូល បានចេញពីទីបញ្ចុះសពមកជួបលោក។ បុរសទាំងពីរនោះសាហាវក្រៃលែង បានជាគ្មានអ្នកណាហ៊ានដើរតាមផ្លូវនោះទេ។ ខណៈនោះ ពួកគេបានស្រែកឡើងថា៖ «បុត្រព្រះ! តើលោកមករំខានយើងធ្វើអ្វី? តើលោកមកធ្វើទារុណកម្មយើង+មុនពេលកំណត់ឬ?»។ នៅឆ្ងាយពីពួកគេ មានសត្វជ្រូកមួយហ្វូងធំកំពុងរកចំណីស៊ី។ ដូច្នេះ វិញ្ញាណកំណាចទាំងនោះចាប់ផ្ដើមអង្វរលោកថា៖«បើលោកបណ្ដេញយើង សូមចាត់យើងឲ្យចូលទៅក្នុងហ្វូងជ្រូកនោះ»។ ម្ល៉ោះហើយ លោកមានប្រសាសន៍ទៅពួកគេថា៖ «ទៅចុះ!» ហើយពួកគេក៏ចេញទៅ រួចចូលក្នុងហ្វូងជ្រូក។ ខណៈនោះ ជ្រូកទាំងហ្វូងបានបោលពីច្រាំងចោតធ្លាក់ចូលក្នុងសមុទ្រ ហើយងាប់អស់ទៅ។ ប៉ុន្តែ អ្នកដែលឃ្វាលសត្វទាំងនោះបានរត់ចេញ ហើយចូលទៅក្នុងក្រុង។ រួចពួកគេបានរៀបរាប់ប្រាប់ពីអ្វីៗទាំងអស់ រួមទាំងរឿងរបស់បុរសពីរនាក់ដែលមានវិញ្ញាណកំណាចចូលដែរ។ បន្ទាប់មក អ្នកក្រុងគ្រប់គ្នាបានចេញមកជួបលោកយេស៊ូ។ លុះជួបហើយ ពួកគេបានអង្វរសុំឲ្យលោកចេញពីតំបន់របស់ពួកគេ » (ម៉ាថាយ ៨:២៨-៣៤)។
ព្រះយេស៊ូគ្រីស្ទប្រោស ឲ្យ ជាម្ដាយក្មេករបស់សាវ័កពេត្រុស៖ «ក្រោយមក ពេលលោកយេស៊ូចូលទៅក្នុងផ្ទះរបស់ពេត្រុស លោកឃើញម្ដាយក្មេករបស់គាត់កំពុងដេកដោយឈឺគ្រុនក្ដៅ។ ដូច្នេះ លោកពាល់ដៃរបស់គាត់ គ្រុននោះក៏បាត់ទៅ រួចគាត់ងើបឡើងហើយចាប់ផ្ដើមធ្វើអាហារជូនលោក» (ម៉ាថាយ ៨:១៤,១៥)។
ព្រះយេស៊ូវគ្រីស្ទព្យាបាលបុរសម្នាក់អ្នកណាមានដៃខ្វិន១៖ « នៅថ្ងៃឈប់សម្រាកមួយទៀត លោកបានចូលទៅក្នុងសាលាប្រជុំ ហើយចាប់ផ្ដើមបង្រៀន។ នៅទីនោះ មានបុរសម្នាក់ស្វិតដៃស្ដាំ។ ពេលនោះ ពួកអ្នកជំនាញខាងច្បាប់និងពួកផារិស៊ីចាំសង្កេតមើលថា លោកយេស៊ូនឹងធ្វើឲ្យបុរសនោះជាសះស្បើយនៅថ្ងៃឈប់សម្រាកឬយ៉ាងណា ដើម្បីមានហេតុចោទប្រកាន់លោក។ ប៉ុន្តែ លោកជ្រាបអំពីអ្វីដែលពួកគេកំពុងរិះគិតក្នុងចិត្ត។ លោកក៏មានប្រសាសន៍ទៅបុរសស្វិតដៃថា៖ «ចូរក្រោកឡើង ហើយមកឈរនៅចំកណ្ដាលនេះ»។ ឮដូច្នោះ បុរសនោះក៏ក្រោកឡើង ហើយមកឈរនៅទីនោះ។ បន្ទាប់មក លោកយេស៊ូមានប្រសាសន៍ទៅពួកគេថា៖«ខ្ញុំចង់សួរអ្នករាល់គ្នាថា នៅថ្ងៃឈប់សម្រាក តើមានច្បាប់ឲ្យធ្វើអំពើល្អ ឬធ្វើអំពើអាក្រក់? តើមានច្បាប់ឲ្យសង្គ្រោះជីវិត* ឬសម្លាប់ជីវិត?»។ ក្រោយពីបានមើលមុខពួកគេទាំងអស់គ្នាហើយ លោកប្រាប់បុរសស្វិតដៃថា៖ «ចូរលាដៃរបស់អ្នក»។ បុរសនោះក៏លាដៃ ហើយដៃរបស់គាត់បានជាឡើងវិញ។ ប៉ុន្តែ ពួកអ្នកជំនាញខាងច្បាប់និងពួកផារិស៊ីបានខឹងយ៉ាងខ្លាំង រួចពួកគេក៏ពិភាក្សាគ្នារកវិធីធ្វើបាបលោកយេស៊ូ » (លូកា ៦:៦-១១)។
ព្រះយេស៊ូវគ្រីស្ទព្យាបាលបុរសម្នាក់ដែលមានហើម (ការប្រមូលផ្តុំសារធាតុរាវច្រើនពេកនៅក្នុងខ្លួន)៖ « នៅថ្ងៃមួយជាថ្ងៃឈប់សម្រាក លោកយេស៊ូបានចូលទៅពិសាអាហារក្នុងផ្ទះរបស់មេដឹកនាំម្នាក់នៃពួកផារិស៊ី ហើយអស់អ្នកដែលនៅទីនោះបានសង្កេតមើលលោក។ មើល! នៅពីមុខលោក មានបុរសម្នាក់ដែលកើតរោគហើម។ ដូច្នេះ លោកយេស៊ូសួរពួកអ្នកចេះច្បាប់ ស្ទាត់និងពួកផារិស៊ីថា៖ «តើមានច្បាប់ធ្វើឲ្យមនុស្សជាសះស្បើយនៅថ្ងៃឈប់សម្រាកឬទេ?»។ ប៉ុន្តែ ពួកគេនៅស្ងៀម។ លោកយេស៊ូក៏ដាក់ដៃលើបុរសនោះ ធ្វើឲ្យគាត់ជាសះស្បើយ រួចឲ្យគាត់ចេញទៅ។ បន្ទាប់មក លោកមានប្រសាសន៍ទៅពួកគេថា៖ «ក្នុងចំណោមអ្នករាល់គ្នា បើកូនប្រុសឬគោឈ្មោលរបស់ខ្លួនធ្លាក់អណ្ដូងនៅថ្ងៃឈប់សម្រាក តើមានអ្នកណាដែលមិនលើកចេញភ្លាមទេឬ?»។ ដូច្នេះ ពួកគេមិនអាចតបឆ្លើយទៅលោកអំពីរឿងនោះបានឡើយ » (លូកា ១៤:១-៦)។
ព្រះយេស៊ូគ្រីស្ទប្រោសមនុស្សខ្វាក់ម្នាក់ថា៖ «លុះលោកមកជិតដល់ក្រុងយេរីខូ មានបុរសងងឹតភ្នែកម្នាក់កំពុងអង្គុយសុំទាននៅក្បែរផ្លូវ។ ពេលដែលគាត់ឮសូរបណ្ដាជនដើរកាត់ នោះក៏សួរគេអំពីរឿងអ្វីដែលកំពុងកើតឡើង។ គេប្រាប់គាត់ថា៖ «លោកយេស៊ូពីក្រុងណាសារ៉ែតកំពុងដើរកាត់!»។ ឮដូច្នេះ គាត់ស្រែកឡើងថា៖ «លោកយេស៊ូ បុត្រដាវីឌ! សូមមេត្ដាជួយខ្ញុំផង!»។ ហើយពួកអ្នកដែលកំពុងដើរខាងមុខគេចាប់ផ្ដើមនិយាយម៉ឺងម៉ាត់ប្រាប់បុរសនោះឲ្យនៅស្ងៀម តែគាត់ស្រែកកាន់តែខ្លាំងថា៖ «បុត្រដាវីឌ! សូមមេត្ដាជួយខ្ញុំផង!»។ រួចលោកយេស៊ូក៏ឈប់ហើយបង្គាប់គេឲ្យនាំបុរសនោះមកលោក។ ពេលដែលបុរសនោះមកជិតលោកហើយ នោះលោកយេស៊ូសួរគាត់ថា៖ «តើចង់ឲ្យខ្ញុំធ្វើអ្វីដើម្បីអ្នក?»។ គាត់ជម្រាបថា៖ «លោកម្ចាស់ សូមធ្វើឲ្យខ្ញុំមើលឃើញឡើងវិញ»។ ដូច្នេះ លោកយេស៊ូមានប្រសាសន៍ទៅគាត់ថា៖ «ចូរមើលឃើញឡើងវិញ។ ជំនឿរបស់អ្នកបានធ្វើឲ្យអ្នកជាហើយ»។ រំពេចនោះ គាត់អាចមើលឃើញឡើងវិញ ក៏ចាប់ផ្ដើមដើរតាមលោកព្រមទាំងសរសើរតម្កើងព្រះផង។ ពេលដែលមនុស្សទាំងឡាយឃើញអ្វីដែលបានកើតឡើង ពួកគេក៏បានសរសើរព្រះដែរ» (លូកា ១៨:៣៥-៤៣)។
ព្រះយេស៊ូវគ្រីស្ទព្យាបាលមនុស្សខ្វាក់ពីរនាក់៖ « ពេលដែលលោកយេស៊ូដើរហួសពីទីនោះ បុរសងងឹតភ្នែកពីរនាក់ បានទៅតាមលោក ហើយស្រែកថា៖ «បុត្រដាវីឌ! សូមមេត្តាជួយយើងផង»។ ក្រោយពីលោកបានចូលទៅក្នុងផ្ទះ បុរសងងឹតភ្នែកទាំងនោះបានមកឯលោក។ រួចលោកយេស៊ូសួរពួកគេថា៖ «តើអ្នកជឿថាខ្ញុំអាចធ្វើការនេះបានទេ?»។ ពួកគេឆ្លើយថា៖ «យើងជឿ! លោកម្ចាស់»។ រួចលោកពាល់ភ្នែករបស់ពួកគេ ដោយពោលថា៖ «សូមឲ្យកើតឡើងចំពោះអ្នក សមស្របទៅតាមជំនឿរបស់អ្នក»។ ក្រោយមក ភ្នែករបស់ពួកគេក៏ភ្លឺឡើង ហើយលោកយេស៊ូបង្គាប់ពួកគេយ៉ាងម៉ឺងម៉ាត់ថា៖ «កុំប្រាប់អ្នកណាឲ្យសោះ»។ ប៉ុន្តែ ក្រោយពីពួកគេបានចេញទៅក្រៅ នោះពួកគេក៏រៀបរាប់ប្រាប់អំពីលោកពេញតំបន់នោះ » (ម៉ាថាយ ៩:២៧-៣១)។
ព្រះយេស៊ូវគ្រីស្ទប្រោសមនុស្សគថ្លង់ម្នាក់៖ « លោកបានចេញពីតំបន់ទីរ៉ុស ឆ្ពោះទៅសមុទ្រកាលីឡេ ដោយកាត់តាមតំបន់ស៊ីដូននិងតំបន់ដេកាប៉ូល។ នៅទីនោះ ពួកគេបាននាំបុរសម្នាក់មករកលោក។ បុរសនោះថ្លង់មិនអាចគ្រលាស់អណ្ដាតនិយាយបាន ហើយពួកគេបានអង្វរសុំលោកឲ្យដាក់ដៃលើគាត់។ ក្រោយមក លោកនាំបុរសនោះទៅឆ្ងាយពីបណ្ដាជន។ រួចលោកដាក់ម្រាមដៃរបស់លោកក្នុងត្រចៀកគាត់ ហើយស្ដោះទឹកមាត់ បន្ទាប់មកពាល់អណ្ដាតរបស់គាត់ ហើយលោកងើយភ្នែកមើលមេឃ ដកដង្ហើមវែង រួចមានប្រសាសន៍ទៅគាត់ថា៖ «អេផាថា» ដែលមានន័យថា«ចូរបើកឡើង»។ រំពេចនោះ គាត់ក៏អាចស្ដាប់ឮ ហើយអាចគ្រលាស់អណ្ដាតបាន រួចចាប់ផ្ដើមនិយាយដូចធម្មតា។ រួចមក លោកបានបង្គាប់ពួកគេកុំឲ្យប្រាប់អ្នកណាឲ្យសោះ។ ប៉ុន្តែ លោកកាន់តែហាម ពួកគេកាន់តែប្រកាសអំពីរឿងនោះ។ បណ្ដាជនភ្ញាក់ផ្អើលក្រៃលែង ហើយបាននិយាយថា៖ «លោកបានធ្វើអ្វីៗទាំងអស់យ៉ាងល្អប្រសើរ សូម្បីតែមនុស្សថ្លង់ ក៏លោកធ្វើឲ្យស្ដាប់ឮ ហើយមនុស្សគ ក៏លោកធ្វើឲ្យនិយាយបានដែរ» » (ម៉ាកុស ៧:៣១-៣៧)។
ព្រះយេស៊ូគ្រិស្ដប្រោសមនុស្សឃ្លង់ម្នាក់ថា៖ «មានបុរសកើតជំងឺឃ្លង់ម្នាក់មករកលោក ហើយលុតជង្គង់អង្វរថា៖ «បើលោកចង់ធ្វើឲ្យខ្ញុំជាស្អាត លោកអាចធ្វើបាន»។ ឃើញដូច្នេះ លោកមានចិត្តក្ដួលអាណិត រួចលូកដៃទៅពាល់គាត់ដោយពោលថា៖ «ខ្ញុំចង់ធ្វើឲ្យអ្នកជាស្អាតមែន។ សូមឲ្យជាស្អាតចុះ»។ រំពេចនោះ ជំងឺឃ្លង់បានបាត់ពីខ្លួនគាត់ទៅ ហើយគាត់បានជាស្អាត» (ម៉ាកុស ១:៤០-៤២)។
ការប្រោសមនុស្សឃ្លង់ ១០ នាក់ ឲ្យ ជា៖ « ចកាលដែលលោកកំពុងធ្វើដំណើរទៅក្រុងយេរូសាឡិម លោកបានដើរកាត់រវាងស្រុកសាម៉ារីនិងស្រុកកាលីឡេ។ ពេលដែលលោកកំពុងចូលក្នុងភូមិមួយ បុរសកើតឃ្លង់១០នាក់ក្រឡេកទៅឃើញលោក ក៏បានក្រោកឈរពីចម្ងាយ។ ពួកគេបន្លឺសំឡេងថា៖ «លោកគ្រូយេស៊ូ! សូមមេត្តាជួយយើងផង!»។ ពេលលោកឃើញពួកគេ លោកមានប្រសាសន៍ទៅពួកគេថា៖ «ចូរទៅបង្ហាញខ្លួនឲ្យពួកសង្ឃឃើញ»។ ពេលដែលពួកគេចេញផុតទៅ នោះក៏បានជាស្អាតគ្រប់គ្នា។ លុះឃើញថាខ្លួនជាហើយ មានម្នាក់ក្នុងចំណោមពួកគេវិលមកវិញ ហើយបន្លឺសំឡេងយ៉ាងខ្លាំងសរសើរតម្កើងព្រះ។ រួចអ្នកនោះបានក្រាបមុខដល់ដីនៅជិតជើងលោកយេស៊ូ ទាំងអរគុណលោក។ អ្នកនោះជាជនជាតិសាម៉ារី។ លោកយេស៊ូតបថា៖ «មាន១០នាក់ដែលបានត្រូវធ្វើឲ្យជាស្អាត មែនទេ? ចុះតើ៩នាក់ទៀតនៅឯណា? តើគ្មានអ្នកណាវិលមកវិញដើម្បីសរសើរតម្កើងព្រះ ក្រៅពីបុរសជនជាតិដទៃម្នាក់នេះទេឬ?»។ រួចលោកមានប្រសាសន៍ទៅគាត់ថា៖ «ចូរក្រោកឡើង ហើយអញ្ជើញទៅចុះ។ ជំនឿរបស់អ្នកបានធ្វើឲ្យអ្នកជាសះស្បើយ» » (លូកា ១៧:១១-១៩)។
ព្រះយេស៊ូវគ្រីស្ទព្យាបាលបុរសដែលមិនអាចដើរបាន៖ «បន្ទាប់ពីការទាំងនេះ មានបុណ្យមួយរបស់ជនជាតិយូដា ហើយលោកយេស៊ូបានឡើងទៅក្រុងយេរូសាឡិម។ នៅក្រុងយេរូសាឡិម នៅទ្វារចៀម មានអាងទឹកមួយដែលភាសាហេប្រឺហៅថាបេតសាថា ហើយអាងនោះព័ទ្ធដោយល្វែងប្រាំ។ ក្នុងល្វែងទាំងនេះ មានមនុស្សជាច្រើននាក់ដែលឈឺ ងងឹតភ្នែក ខ្វិន ស្វិតដៃ ឬស្វិតជើងកំពុងដេកនៅទីនោះ។ ប៉ុន្តែមានបុរសម្នាក់នៅទីនោះដែលបានឈឺអស់សាមសិបប្រាំបីឆ្នាំ។ ពេលដែលលោកឃើញបុរសនេះកំពុងដេកនៅទីនោះ និងដោយដឹងថាគាត់ឈឺយូរហើយ នោះលោកយេស៊ូមានប្រសាសន៍ទៅគាត់ថា៖ «តើអ្នកចង់មានសុខភាពល្អឡើងវិញទេ?»។ បុរសដែលឈឺនោះបានឆ្លើយថា៖ «លោក ខ្ញុំគ្មានអ្នកណាជួយដាក់ខ្ញុំក្នុងអាងពេលដែលទឹកកំពុងកម្រើកទេ តែពេលខ្ញុំកំពុងចុះទៅ មានម្នាក់ទៀតចុះទៅមុនខ្ញុំ»។ លោកយេស៊ូមានប្រសាសន៍ទៅគាត់ថា៖ «ចូរងើបឡើង យកគ្រែស្នែងរបស់អ្នក ហើយដើរទៅចុះ»។ រំពេចនោះ បុរសនោះមានសុខភាពល្អឡើងវិញ ក៏យកគ្រែស្នែងរបស់គាត់ហើយចាប់ផ្ដើមដើរទៅ» (យ៉ូហាន ៥:១-៩)។
ព្រះយេស៊ូវគ្រីស្ទព្យាបាលជំងឺឆ្កួតជ្រូក៖ « ពេលដែលលោកនិងពួកគាត់ដើរឆ្ពោះទៅបណ្ដាជន នោះមានបុរសម្នាក់មកឯលោក ហើយលុតជង្គង់ជម្រាបថា៖ «លោកម្ចាស់ សូមមេត្តាជួយកូនប្រុសខ្ញុំផង ពីព្រោះគាត់មានជំងឺឆ្កួតជ្រូក ហើយស្ថិតក្នុងសភាពធ្ងន់ធ្ងរណាស់។ គាត់ដួលក្នុងភ្លើង និងក្នុងទឹកជាញឹកញាប់។ ខ្ញុំបាននាំគាត់មកជួបពួកអ្នកកាន់តាមលោក តែពួកគាត់មិនអាចធ្វើឲ្យកូនខ្ញុំជាបានឡើយ»។ លោកយេស៊ូមានប្រសាសន៍ថា៖ «ឱជំនាន់មនុស្សដែលគ្មានជំនឿនិងវៀចវេរអើយ! តើខ្ញុំត្រូវនៅជាមួយនឹងអ្នករាល់គ្នាដល់ពេលណា? តើខ្ញុំត្រូវទ្រាំនឹងអ្នករាល់គ្នាដល់កាលណាទៀត? ចូរនាំក្មេងប្រុសនោះមកឯខ្ញុំ»។ រួចមក លោកយេស៊ូស្ដីបន្ទោសវិញ្ញាណកំណាចនោះ ហើយវាក៏ចេញពីក្មេងប្រុសនោះ។ ចាប់ពីពេលនោះមក ក្មេងប្រុសនោះបានជាសះស្បើយ។ ក្រោយមក អ្នកកាន់តាមលោកយេស៊ូមកសួរលោកដោយឡែកពីគេថា៖ «ហេតុអ្វីពួកខ្ញុំមិនអាចបណ្ដេញវាបាន?»។ លោកមានប្រសាសន៍ទៅពួកគាត់ថា៖ «គឺដោយសារអ្នករាល់គ្នាមានជំនឿតិច។ ខ្ញុំប្រាប់អ្នករាល់គ្នាការពិតថា ប្រសិនបើអ្នកមានជំនឿប៉ុនគ្រាប់មូស្ដាត នោះអ្នកអាចបញ្ជាទៅភ្នំនេះថា៖ ‹ចូររើចេញពីកន្លែងនេះ ទៅកន្លែងផ្សេង› នោះភ្នំនឹងរើទៅមែន ហើយនឹងគ្មានអ្វីដែលអ្នកមិនអាចធ្វើបានឡើយ» » (ម៉ាថាយ ១៧:១៤-២០)។
ព្រះយេស៊ូវគ្រីស្ទធ្វើការអស្ចារ្យដោយមិនដឹងខ្លួន៖ « កាលដែលលោកយេស៊ូកំពុងធ្វើដំណើរទៅ នោះបណ្ដាជនបានប្រជ្រៀតគ្នានៅជុំវិញលោក។ ខណៈនោះ មានស្ត្រីម្នាក់មានជំងឺធ្លាក់ឈាម អស់១២ឆ្នាំ ហើយគ្មានអ្នកណាអាចព្យាបាលជំងឺរបស់នាងឲ្យជាបានឡើយ។ នាងបានដើរពីក្រោយបណ្ដាជន រួចចូលទៅពាល់ជាយសម្លៀកបំពាក់ក្រៅរបស់លោក។ រំពេចនោះ ឈាមក៏ឈប់ធ្លាក់។ ដូច្នេះ លោកយេស៊ូសួរថា៖ «តើអ្នកណាបានពាល់ខ្ញុំ?»។ បណ្ដាជនទាំងអស់ក៏បដិសេធគ្រប់គ្នា។ ពេលនោះ ពេត្រុសនិយាយថា៖ «លោកគ្រូ លោកឃើញហើយថាបណ្ដាជនកំពុងប្រជ្រៀតគ្នានៅជុំវិញលោក»។ ប៉ុន្តែ លោកយេស៊ូមានប្រសាសន៍ថា៖ «ពិតជាមានអ្នកណាម្នាក់ពាល់ខ្ញុំមែន ព្រោះខ្ញុំដឹងថាមានឫទ្ធានុភាព ចេញពីខ្លួនខ្ញុំ»។ កាលស្ត្រីនោះឃើញថា លោកបានដឹងអ្វីដែលនាងបានធ្វើ នោះនាងបានចូលមកទាំងភ័យញ័រ ហើយក្រាបនៅមុខលោក។ នាងក៏រៀបរាប់ប្រាប់នៅមុខមនុស្សទាំងអស់អំពីមូលហេតុដែលនាងបានពាល់លោក និងរបៀបដែលនាងបានជាសះស្បើយក្នុងមួយរំពេច។ ដូច្នេះ លោកមានប្រសាសន៍ទៅនាងថា៖ «កូនស្រីអើយ ជំនឿរបស់នាងបានធ្វើឲ្យនាងជាហើយ។ សូមនាងទៅឲ្យបានសេចក្ដីសុខចុះ» » (លូកា ៨:៤២-៤៨)។
ព្រះយេស៊ូវគ្រីស្ទព្យាបាលពីចម្ងាយ៖ « ក្រោយមានប្រសាសន៍ទៅបណ្ដាជនរួចហើយ លោកបានចូលទៅក្នុងក្រុងកាពើណិម។ នៅក្រុងនោះ មាននាយទាហានម្នាក់ គាត់មានខ្ញុំបម្រើដែលឈឺជិតស្លាប់ ហើយគាត់ស្រឡាញ់ខ្ញុំបម្រើនោះណាស់។ ពេលឮថាលោកយេស៊ូមក នាយទាហាននោះក៏ចាត់ពួកបុរសចាស់ទុំជនជាតិយូដាខ្លះ ឲ្យទៅអង្វរសុំលោកឲ្យមក ដើម្បីធ្វើឲ្យខ្ញុំបម្រើរបស់គាត់ជាសះស្បើយ។ ពួកគេបានចូលមកជិតលោកយេស៊ូ ហើយចាប់ផ្ដើមទទូចអង្វរថា៖«គាត់សមនឹងទទួលជំនួយពីលោក ព្រោះគាត់ស្រឡាញ់ជនជាតិយើង ហើយក៏បានសាងសង់សាលាប្រជុំរបស់យើងដែរ»។ ដូច្នេះ លោកយេស៊ូក៏ចេញទៅជាមួយនឹងពួកគេ។ ប៉ុន្តែ ពេលដែលលោកទៅជិតដល់ផ្ទះនោះ នាយទាហានបានចាត់មិត្តភក្ដិឲ្យទៅជម្រាបលោកថា៖«លោកមិនចាំបាច់អញ្ជើញមកទេ ព្រោះខ្ញុំមិនសមនឹងទទួលលោកចូលក្នុងផ្ទះខ្ញុំឡើយ។ ហេតុនេះហើយបានជាខ្ញុំគិតថា ខ្លួនខ្ញុំមិនសមនឹងទៅជួបលោកដោយផ្ទាល់នោះទេ។ ប៉ុន្តែ សូមលោកគ្រាន់តែមានប្រសាសន៍ប៉ុណ្ណោះ នោះអ្នកបម្រើរបស់ខ្ញុំនឹងជាសះស្បើយ។ ព្រោះខ្ញុំក៏នៅក្រោមបង្គាប់គេដែរ ហើយក៏មានកូនទាហានដែលនៅក្រោមបង្គាប់ខ្ញុំ។ បើខ្ញុំបង្គាប់អ្នកណាឲ្យ‹ទៅ!› អ្នកនោះក៏ទៅ ហើយបើខ្ញុំបង្គាប់អ្នកណាឲ្យ‹មក!› អ្នកនោះក៏មក។ បើខ្ញុំបង្គាប់ខ្ញុំបម្រើរបស់ខ្ញុំឲ្យ‹ធ្វើការនេះ!› គាត់ក៏ធ្វើតាម»។ ពេលឮពាក្យទាំងនេះ លោកយេស៊ូក៏នឹកអស្ចារ្យក្នុងចិត្តចំពោះនាយទាហាននោះ រួចលោកបែរទៅបណ្ដាជនដែលដើរតាមលោក ហើយមានប្រសាសន៍ថា៖ «ខ្ញុំប្រាប់អ្នករាល់គ្នាថា សូម្បីតែក្នុងស្រុកអ៊ីស្រាអែល ខ្ញុំមិនដែលឃើញអ្នកណាមានជំនឿខ្លាំងយ៉ាងនេះទេ»។ រួចពួកអ្នកដែលនាយទាហានបានចាត់នោះ ក៏ត្រឡប់ទៅផ្ទះវិញ។ លុះទៅដល់ ពួកគេឃើញថាខ្ញុំបម្រើនោះមានសុខភាពល្អឡើងវិញហើយ » (លូកា ៧:១-១០)។
ព្រះយេស៊ូវគ្រីស្ទបានព្យាបាលស្ត្រីពិការម្នាក់អស់រយៈពេល ១៨ ឆ្នាំ៖ « ក្រោយមក នៅថ្ងៃឈប់សម្រាកលោកកំពុងបង្រៀនក្នុងសាលាប្រជុំមួយ។ មើល! មានស្ត្រីម្នាក់ឈឺអស់១៨ឆ្នាំ ដោយសារឥទ្ធិពលនៃវិញ្ញាណកំណាច។ នាងកោងខ្នងយ៉ាងខ្លាំង ហើយមិនអាចងើបត្រង់បានឡើយ។ នៅពេលលោកយេស៊ូឃើញនាង លោកមានប្រសាសន៍ទៅនាងថា៖«នាងអើយ នាងបានត្រូវរំដោះពីជំងឺរបស់នាងហើយ»។ រួចលោកដាក់ដៃលើនាង នាងក៏ងើបត្រង់ភ្លាម ហើយចាប់ផ្ដើមលើកតម្កើងព្រះ។ ប៉ុន្តែ ពេលដែលអ្នកទទួលខុសត្រូវនៅសាលាប្រជុំឃើញដូច្នេះ គាត់ទាស់ចិត្ត ពីព្រោះលោកយេស៊ូបានធ្វើឲ្យនាងជានៅថ្ងៃឈប់សម្រាក រួចគាត់ប្រាប់បណ្ដាជនថា៖ «មាន៦ថ្ងៃសម្រាប់ធ្វើការ។ ដូច្នេះ ចូរមកនៅថ្ងៃទាំងនោះដើម្បីជាពីជំងឺ មិនមែននៅថ្ងៃឈប់សម្រាកទេ»។ ក៏ប៉ុន្តែ លោកម្ចាស់តបទៅគាត់ថា៖ «មនុស្សលាក់ពុត! នៅថ្ងៃឈប់សម្រាក អ្នករាល់គ្នាតែងតែស្រាយគោឈ្មោលឬលារបស់ខ្លួន រួចដឹកចេញពីក្រោលទៅឲ្យផឹកទឹក មែនទេ? បើដូច្នេះ ចុះស្ត្រីនេះដែលជាកូនចៅអាប្រាហាំ ហើយដែលបានជាប់ចំណងរបស់សាថាន*អស់១៨ឆ្នាំហើយ តើមិនត្រូវស្រាយនាងឲ្យរួចពីចំណងនេះនៅថ្ងៃឈប់សម្រាកទេឬ?»។ ពេលដែលលោកមានប្រសាសន៍ដូច្នេះ អស់អ្នកដែលប្រឆាំងលោកក៏មានសេចក្ដីខ្មាស តែបណ្ដាជនទាំងអស់ចាប់ផ្ដើមត្រេកអរវិញ ដោយឃើញការអស្ចារ្យទាំងប៉ុន្មានដែលលោកបានធ្វើ » (លូកា ១៣:១០-១៧)។
ព្រះយេស៊ូវគ្រីស្ទប្រោសកូនស្រីរបស់ស្ត្រីដែលមិនមែនជាសាសន៍យូដា៖ « ចមក លោកយេស៊ូបានចាកចេញពីទីនោះទៅតំបន់ទីរ៉ុសនិងស៊ីដូន។ មើល! ស្ត្រីជនជាតិភេនីស៊ីម្នាក់ពីតំបន់នោះបានចេញមក ហើយស្រែកថា៖ «លោកម្ចាស់ ជាបុត្រដាវីឌអើយ! សូមមេត្តាជួយខ្ញុំផង កូនស្រីខ្ញុំមានវិញ្ញាណកំណាចចូល ធ្វើទុក្ខខ្លាំងណាស់»។ ក៏ប៉ុន្តែ លោកមិនបានតបឆ្លើយទៅនាងមួយម៉ាត់សោះ។ ដូច្នេះ ពួកអ្នកកាន់តាមបានមកទទូចសុំលោកថា៖ «សូមលោកប្រាប់នាងឲ្យទៅវិញ ពីព្រោះនាងចេះតែស្រែក ហើយដើរតាមយើងឥតឈប់»។ លោកតបឆ្លើយថា៖ «ខ្ញុំមិនបានត្រូវចាត់ឲ្យទៅឯអ្នកណាទេ ក្រៅពីចៀមដែលវង្វេងផ្លូវក្នុងចំណោមជនជាតិអ៊ីស្រាអែល»។ ប៉ុន្តែ ស្ត្រីនោះក៏ចូលមកលំឱនកាយគោរពលោក ហើយអង្វរថា៖ «លោកម្ចាស់! សូមជួយខ្ញុំផង!»។ លោកតបឆ្លើយថា៖ «គឺមិនត្រឹមត្រូវទេ បើយកនំប៉័ងរបស់កូនក្មេង ហើយបោះទៅឲ្យឆ្កែតូចៗវិញ»។ នាងឆ្លើយថា៖ «មែនហើយលោកម្ចាស់! ប៉ុន្តែតាមការពិត ឆ្កែតូចៗស៊ីកម្ទេចនំប៉័ងដែលជ្រុះពីតុរបស់ម្ចាស់វា»។ នោះលោកយេស៊ូតបឆ្លើយទៅនាងថា៖ «នាងអើយ! នាងមានជំនឿខ្លាំងណាស់ សូមឲ្យនាងបានដូចប្រាថ្នាចុះ»។ រួចកូនស្រីរបស់នាងបានជាសះស្បើយតាំងពីពេលនោះមក។ » (ម៉ាថាយ ១៥: ២១-២៨)។
ព្រះយេស៊ូគ្រីស្ទបញ្ឈប់ខ្យល់ព្យុះ៖ «លុះក្រោយមក លោកចុះក្នុងទូកមួយ ហើយអ្នកកាន់តាមក៏បានទៅជាមួយនឹងលោកដែរ។ រួចមក កើតមានខ្យល់ព្យុះយ៉ាងខ្លាំងនៅសមុទ្រ ហើយរលកបានបោកកញ្ជ្រោលគ្របលើទូក។ ចំណែកលោកវិញ លោកកំពុងសម្រាន្តលក់។ ពួកគាត់បានមកដាស់លោកថា៖ «លោកម្ចាស់! សូមសង្គ្រោះយើងផង! យើងជិតវិនាសហើយ!»។ តែលោកមានប្រសាសន៍ទៅពួកគាត់ថា៖ «អ្នករាល់គ្នាដែលមានជំនឿតិច ហេតុអ្វីបានជាខ្លាចដូច្នេះ?»។ រួចមក លោកក្រោកឡើង ហើយស្តីបន្ទោសខ្យល់និងសមុទ្រ។ នោះក៏កើតមានសភាពស្ងប់ស្ងាត់ក្រៃលែង។ ដូច្នេះបុរសទាំងនោះបាននឹកអស្ចារ្យ ហើយនិយាយថា៖ «តើលោកជានរណា បានជាសូម្បីតែខ្យល់និងសមុទ្រក៏ស្ដាប់បង្គាប់លោកដែរ?»» (ម៉ាថាយ ៨:២៣-២៧)។ អព្ភូតហេតុនេះបង្ហាញថានៅក្នុងឋានសួគ៌លើផែនដីលែងមានព្យុះឬទឹកជំនន់ដែលនឹងបង្កឱ្យមានគ្រោះមហន្តរាយ។
ព្រះយេស៊ូវគ្រីស្ទដើរលើសមុទ្រ៖ « ក្រោយពីឲ្យបណ្ដាជនត្រឡប់ទៅវិញ លោកបានឡើងភ្នំតែម្នាក់ឯងដើម្បីអធិដ្ឋាន។ លុះដល់ពេលយប់ លោកនៅទីនោះតែម្នាក់ឯង។ ពេលនោះ ទូកនៅឆ្ងាយពីច្រាំងរាប់រយម៉ែត្រហើយ ក៏ត្រូវរលកបោកយ៉ាងខ្លាំង ដោយសារទូកនោះទៅបញ្ច្រាសខ្យល់។ លុះដល់យាមទី៤ នៅយប់នោះ លោកបានដើរលើទឹកសមុទ្រទៅឯពួកអ្នកកាន់តាម។ ពេលពួកគាត់ក្រឡេកទៅឃើញលោកកំពុងដើរលើទឹកសមុទ្រ ពួកគាត់ចាប់ផ្ដើមវិលវល់ក្នុងគំនិត ហើយតាំងភ័យខ្លាច ក៏ស្រែកឡើងថា៖ «តើនោះជាអ្វីហ្នឹង!»។ ប៉ុន្តែ លោកយេស៊ូមានប្រសាសន៍ទៅពួកគាត់ភ្លាមថា៖«ចូរមានចិត្តក្លាហានឡើង! គឺខ្ញុំទេ កុំខ្លាចឡើយ»។ ពេត្រុសបានតបទៅលោកថា៖ «លោកម្ចាស់! បើពិតជាលោកមែន សូមឲ្យខ្ញុំដើរលើទឹកទៅឯលោកផង»។ នោះលោកបង្គាប់ថា៖ «ចូរមកចុះ!»។ ឮដូច្នេះ ពេត្រុសបានចេញពីទូក ហើយដើរលើទឹកទៅឯលោកយេស៊ូ។ ប៉ុន្តែដោយមើលទៅខ្យល់ព្យុះ គាត់ក៏ភ័យខ្លាច ហើយពេលដែលចាប់ផ្ដើមលិចទៅក្នុងទឹក គាត់ស្រែកឡើងថា៖ «លោកម្ចាស់! សូមជួយខ្ញុំផង!»។ ភ្លាមនោះ លោកយេស៊ូបានលូកដៃទៅចាប់គាត់ ហើយសួរថា៖ «អ្នកមានជំនឿតិចអើយ! ហេតុអ្វីបានជាចាប់ផ្ដើមសង្ស័យ?»។ ក្រោយពីលោកយេស៊ូនិងពេត្រុសបានចូលក្នុងទូកហើយ ខ្យល់ព្យុះក៏ស្ងប់បាត់ទៅ។ រួចមក អ្នកកាន់តាមលោកដែលនៅក្នុងទូកបានលំឱនកាយគោរពលោក ហើយពោលថា៖«លោកពិតជាបុត្ររបស់ព្រះមែន» » (ម៉ាថាយ ១៤:២៣-៣៣)។
នេសាទអព្ភូតហេតុ៖ “នៅគ្រាមួយ បណ្ដាជនកំពុងស្ដាប់លោកយេស៊ូបង្រៀនបណ្ដាំរបស់ព្រះនៅក្បែរបឹងកេណិសារ៉ែត។ ពេលនោះ បណ្ដាជនខំប្រជ្រៀតគ្នាចូលទៅជិតលោក។ ខណៈនោះ លោកឃើញទូកនេសាទពីរចតនៅមាត់បឹង តែពួកអ្នកនេសាទបានឡើងពីទូកទៅលាងអួនរបស់ពួកគេ។ លោកក៏ចុះក្នុងទូកមួយរបស់ស៊ីម៉ូន ហើយសុំគាត់ឲ្យចេញទូកទៅឆ្ងាយបន្តិចពីមាត់បឹង។ រួចលោកអង្គុយចុះ ហើយចាប់ផ្ដើមបង្រៀនបណ្ដាជនពីក្នុងទូកនោះ។ លុះបង្រៀនរួចហើយ លោកក៏ប្រាប់ស៊ីម៉ូនថា៖ «ចូរទៅកន្លែងដែលមានទឹកជ្រៅ ហើយទម្លាក់អួននៅទីនោះ»។ ក៏ប៉ុន្តែ ស៊ីម៉ូនតបវិញថា៖ «លោកគ្រូ យើងបានខំប្រឹងអស់មួយយប់ តែចាប់មិនបានអ្វីសោះ។ប៉ុន្តែ ខ្ញុំនឹងទម្លាក់អួនតាមប្រសាសន៍លោក»។ ពេលទម្លាក់អួនតាមប្រសាសន៍លោក ពួកគេចាប់បានត្រីច្រើនសន្ធឹកណាស់ រហូតដល់អួនរបស់ពួកគេចាប់ផ្ដើមធ្លាយ។ ដូច្នេះ ពួកគេធ្វើសញ្ញាឲ្យដៃគូរបស់ពួកគេដែលនៅក្នុងទូកផ្សេងទៀតមកជួយ។ អ្នកទាំងនោះក៏មក រួចពួកគេដាក់ត្រីពេញទូកទាំងពីរ គឺត្រីច្រើនដល់ម្ល៉េះបានជាទូកហៀបនឹងលិច។ ឃើញដូច្នេះ ស៊ីម៉ូនពេត្រុសលុតជង្គង់នៅមុខលោកយេស៊ូ ហើយនិយាយថា៖ «លោកម្ចាស់ សូមចេញពីខ្ញុំទៅ ពីព្រោះខ្ញុំជាមនុស្សមានភាពខុសឆ្គង»។ ព្រោះក្រោយពីចាប់បានត្រីច្រើនដូច្នេះ ស៊ីម៉ូនពេត្រុសនិងអស់អ្នកដែលនៅជាមួយនឹងគាត់ បាននឹកអស្ចារ្យក្នុងចិត្តក្រៃលែង ហើយកូនប្រុសពីរនាក់របស់សេបេដេ គឺយ៉ាកុបនិងយ៉ូហាន ដែលជាដៃគូរបស់ស៊ីម៉ូន ក៏នឹកអស្ចារ្យដែរ។ ប៉ុន្តែ លោកយេស៊ូមានប្រសាសន៍ទៅស៊ីម៉ូនថា៖ «កុំខ្លាចឡើយ។ ចាប់តាំងពីឥឡូវនេះទៅ អ្នកនឹងនេសាទមនុស្សវិញ»។ ដូច្នេះ ពួកគេបានអុំទូកមកដីគោកវិញ រួចទុកអ្វីៗទាំងអស់ចោល ហើយទៅតាមលោក” (លូកា ៥:១-១១)។
ព្រះយេស៊ូវគ្រីស្ទធ្វើឱ្យនំប៉័ងមានចំនួនច្រើន៖ « បន្ទាប់ពីការទាំងនេះ លោកយេស៊ូបានចេញដំណើរឆ្លងសមុទ្រ*កាលីឡេ ឬទិបេរៀស។ ប៉ុន្តែ មនុស្សមួយក្រុមធំបានតាមលោកជាប់ ពីព្រោះពួកគេឃើញអព្ភូតហេតុដែលលោកធ្វើឲ្យអ្នកឈឺជាសះស្បើយ។ ដូច្នេះ លោកយេស៊ូបានឡើងភ្នំមួយ រួចបានអង្គុយនៅទីនោះជាមួយនឹងពួកអ្នកកាន់តាមលោក។ ពេលនោះ គឺជិតដល់បុណ្យរំលង ជាបុណ្យរបស់ជនជាតិយូដា។ កាលដែលលោកយេស៊ូងើបភ្នែកទៅឃើញមនុស្សមួយក្រុមធំកំពុងដើរតម្រង់មករកលោក នោះលោកមានប្រសាសន៍ទៅភីលីពថា៖ «តើយើងនឹងទិញនំប៉័ងពីកន្លែងណាឲ្យមនុស្សទាំងនេះបរិភោគ?»។ លោកមានប្រសាសន៍ដូច្នេះ ដើម្បីសាកល្បងគាត់ ព្រោះលោកដឹងរួចហើយថាលោកហៀបនឹងធ្វើអ្វី។ ភីលីពតបឆ្លើយថា៖ «សូម្បីតែយើងទិញនំប៉័ងអស់២០០ឌីណារី ហើយឲ្យពួកគេបរិភោគម្នាក់បន្តិចៗ ក៏មិនគ្រប់គ្រាន់ដែរ»។ អនទ្រេជាបងប្អូនរបស់ស៊ីម៉ូនពេត្រុស និងជាអ្នកកាន់តាមម្នាក់របស់លោក បានជម្រាបលោកថា៖ «ក្មេងប្រុសនេះមាននំប៉័ង*ប្រាំដុំនិងត្រីតូចពីរកន្ទុយ។ ប៉ុន្តែ តើរបស់ទាំងនេះមានប្រយោជន៍អ្វីសម្រាប់មនុស្សច្រើនយ៉ាងនេះ?»។ លោកយេស៊ូមានប្រសាសន៍ថា៖ «ចូរប្រាប់មនុស្សទាំងនេះឲ្យអង្គុយចុះ»។ កន្លែងនោះមានស្មៅច្រើន ដូច្នេះពួកគេក៏អង្គុយចុះ។ ក្នុងចំណោមមនុស្សទាំងនោះ មានបុរសប្រហែល៥.០០០នាក់។ បន្ទាប់មក លោកយេស៊ូយកនំប៉័ងទាំងនោះ ក៏អរគុណព្រះ រួចចែកដល់អស់អ្នកដែលកំពុងអង្គុយ ថែមទាំងចែកត្រីតូចៗទាំងនោះតាមដែលពួកគេចង់បាន។ ប៉ុន្តែ ពេលដែលពួកគេបានបរិភោគឆ្អែតហើយ នោះលោកមានប្រសាសន៍ទៅពួកអ្នកកាន់តាមថា៖ «ចូរប្រមូលអាហារដែលនៅសល់ កុំឲ្យខាតបង់អ្វីឡើយ»។ ដូច្នេះ ពួកគាត់ក៏ប្រមូលអាហារដែលសល់ បានពេញ១២កញ្ជើ ជាអាហារដែលនៅសល់ពីនំប៉័ងប្រាំដុំដែលមនុស្សទាំងនោះបានបរិភោគ។ ពេលដែលមនុស្សទាំងនោះឃើញសញ្ញាសម្គាល់ដែលលោកបានធ្វើ នោះពួកគេចាប់ផ្ដើមនិយាយថា៖ «អ្នកនេះប្រាកដជាអ្នកប្រកាសទំនាយដែលត្រូវចូលមកក្នុងពិភពលោកហើយ»។ ពេលលោកយេស៊ូដឹងថាពួកគេហៀបនឹងមកចាប់លោក ហើយតែងតាំងលោកជាស្ដេច នោះលោកក៏ចេញទៅ+ភ្នំម្ដងទៀតតែម្នាក់ឯង » (យ៉ូហាន ៦:១-១៥)។ នឹងមានអាហារយ៉ាងបរិបូរណ៍នៅទូទាំងផែនដី (ទំនុកដំកើង ៧២:១៦, អេសាយ ៣០:២៣)។
លោកយេស៊ូគ្រិស្ដបានប្រោសកូនប្រុសរបស់ស្ដ្រីមេម៉ាយ ឲ្យ រស់ឡើងវិញ៖ «មិនយូរក្រោយពីនោះ លោកបានធ្វើដំណើរទៅក្រុងមួយហៅថាណេអ៊ីន ហើយពួកអ្នកកាន់តាមនិងមនុស្សមួយក្រុមធំបានរួមដំណើរជាមួយនឹងលោក។ លុះធ្វើដំណើរជិតដល់ផ្លូវចូលក្រុងហើយ មើល! គេកំពុងសែងសពបុរសដែលជាកូនតែមួយរបស់ម្ដាយ។ ម្យ៉ាងទៀត ម្ដាយរបស់សពនោះជាស្ត្រីមេម៉ាយ ហើយមនុស្សមួយក្រុមធំពីក្រុងនោះក៏នៅជាមួយនឹងនាងដែរ។ ពេលដែលលោកម្ចាស់យេស៊ូក្រឡេកទៅឃើញនាង លោកមានចិត្តក្ដួលអាណិត ក៏មានប្រសាសន៍ទៅនាងថា៖ «ឈប់យំទៅ»។ បន្ទាប់មក លោកដើរទៅជិតហើយពាល់គ្រែស្នែង ឯពួកអ្នកសែងក៏ឈប់។ រួចមក លោកមានប្រសាសន៍ថា៖ «អ្នកកំលោះ ខ្ញុំប្រាប់អ្នកថា ចូរក្រោកឡើង!»។ ឯបុរសដែលស្លាប់នោះក៏ងើបឡើងអង្គុយ ហើយចាប់ផ្ដើមនិយាយ រួចលោកប្រគល់គាត់ឲ្យម្ដាយ។ ពួកគេទាំងអស់គ្នាក៏តាំងស្ញែងខ្លាច រួចចាប់ផ្ដើមសរសើរតម្កើងព្រះថា៖ «អ្នកប្រកាសទំនាយម្នាក់ដ៏ឧត្តមបានត្រូវតាំងឡើងក្នុងចំណោមយើង» ហើយ«ព្រះបានអាណិតរាស្ត្ររបស់លោក»។ រួចដំណឹងនេះអំពីលោក បានឮសុសសាយពេញតំបន់យូឌាទាំងមូលនិងតំបន់នៅជុំវិញ» (លូកា ៧:១១-១៧)។
ព្រះយេស៊ូគ្រីស្ទប្រោសកូនស្រីរបស់យ៉ៃរ៉ុស ឲ្យ រស់ឡើងវិញ៖ «ពេលដែលលោកកំពុងមានប្រសាសន៍ មានតំណាងម្នាក់របស់អ្នកទទួលខុសត្រូវនៃសាលាប្រជុំបានមកប្រាប់ថា៖ «កូនស្រីរបស់អ្នកស្លាប់ហើយ កុំរំខានលោកគ្រូទៀត»។ ឮដូច្នេះ លោកយេស៊ូមានប្រសាសន៍ថា៖ «កុំខ្លាចឡើយ គ្រាន់តែមានជំនឿប៉ុណ្ណោះ នោះនាងនឹងត្រូវសង្គ្រោះ»។ លុះទៅដល់ផ្ទះនោះហើយ លោកមិនបានឲ្យអ្នកណាចូលទៅក្នុងជាមួយនឹងលោកឡើយ ក្រៅពីពេត្រុស យ៉ូហាន យ៉ាកុប និងឪពុកម្ដាយរបស់ក្មេងស្រីនោះ។ ឯមនុស្សទាំងអស់កំពុងយំគក់ទ្រូងសោកស្ដាយនាង។ ដូច្នេះ លោកមានប្រសាសន៍ថា៖ «ឈប់យំទៅ ព្រោះនាងមិនបានស្លាប់ឡើយ តែកំពុងដេកលក់»។ ឮដូច្នេះ ពួកគេចាប់ផ្ដើមសើចចំអកឲ្យលោក ពីព្រោះពួកគេដឹងថានាងបានស្លាប់មែន។ ប៉ុន្តែលោកចាប់ដៃរបស់នាងរួចបន្លឺសំឡេងថា៖ «នាងអើយ! ចូរក្រោកឡើង!» ហើយនាងមានជីវិត ឡើងវិញ ក៏ក្រោកឡើងភ្លាម រួចលោកបង្គាប់ឲ្យគេយកអាហារមកឲ្យនាងបរិភោគ។ ឯឪពុកម្ដាយនាងបានត្រេកអរហួសប្រមាណ ប៉ុន្តែលោកបង្គាប់ពួកគាត់ កុំប្រាប់អ្នកណាឲ្យសោះអំពីអ្វីដែលបានកើតឡើង» (លូកា ៨:៤៩-៥៦)។
លោកយេស៊ូគ្រិស្ដបានប្រោសមិត្ដសម្លាញ់របស់លោក ឲ្យ រស់ឡើងវិញគឺលោកឡាសារដែលបានស្លាប់បួនថ្ងៃមុន៖ «ពេលនោះ លោកយេស៊ូមិនទាន់ចូលក្នុងភូមិនៅឡើយ ប៉ុន្តែលោកនៅកន្លែងដែលម៉ាថាបានជួបលោកពីមុន។ ដូច្នេះ ពេលដែលជនជាតិយូដាដែលនៅជាមួយនឹងម៉ារៀក្នុងផ្ទះ ដើម្បីសម្រាលទុក្ខនាង ឃើញថានាងប្រញាប់ក្រោកឡើងហើយចេញទៅ នោះពួកគេក៏បានទៅតាម ដោយនឹកស្មានថានាងកំពុងចេញទៅទីបញ្ចុះសពដើម្បីយំនៅទីនោះ។ រួចពេលដែលម៉ារៀមកដល់កន្លែងដែលលោកយេស៊ូនៅ ហើយឃើញលោក នោះនាងបានលំឱនកាយនៅជិតជើងរបស់លោក ដោយនិយាយថា៖ «លោកម្ចាស់ ប្រសិនបើលោកនៅទីនេះ ប្អូនប្រុសរបស់ខ្ញុំមិនបានស្លាប់ទេ»។ ដូច្នេះ ពេលដែលលោកយេស៊ូឃើញនាងនិងជនជាតិយូដាដែលបានមកជាមួយនឹងនាងកំពុងយំ នោះលោកមានចិត្តក្ដុកក្ដួលក៏រំជួលចិត្ត* យ៉ាងខ្លាំង ហើយលោកមានប្រសាសន៍ថា៖ «តើអ្នករាល់គ្នាបានដាក់គាត់នៅឯណា?» ពួកគាត់ឆ្លើយថា៖ «លោកម្ចាស់ សូមមកមើល»។ លោកយេស៊ូក៏ស្រក់ទឹកភ្នែក។ ដូច្នេះ ជនជាតិយូដាតាំងនិយាយថា៖ «មើល! គាត់ស្រឡាញ់ឡាសាខ្លាំងណាស់!»។ ប៉ុន្តែពួកគេខ្លះនិយាយថា៖ «បុរសនេះបានធ្វើឲ្យបុរសងងឹតភ្នែកនោះអាចមើលឃើញ ដូច្នេះ តើគាត់មិនអាចជួយកុំឲ្យអ្នកនេះស្លាប់បានទេឬ?»។
ដូច្នេះ ក្រោយពីលោកយេស៊ូកើតមានចិត្តក្ដុកក្ដួលម្ដងទៀត នោះលោកមកដល់ទីបញ្ចុះសព។ ទីបញ្ចុះសពនោះជារូងថ្ម ហើយមានដុំថ្មមួយបិទមាត់រូង។ លោកយេស៊ូមានប្រសាសន៍ថា៖ «ចូរយកថ្មនោះចេញ»។ ម៉ាថាជាបងស្រីរបស់សព បាននិយាយទៅកាន់លោកថា៖ «លោកម្ចាស់ សពច្បាស់ជាធុំក្លិន ព្រោះបួនថ្ងៃបានកន្លងទៅហើយ»។ លោកយេស៊ូមានប្រសាសន៍ទៅនាងថា៖ «តើខ្ញុំមិនបានប្រាប់នាងថា ប្រសិនបើនាងជឿ នោះនាងនឹងឃើញសិរីរុងរឿងរបស់ព្រះទេឬ?»។ ដូច្នេះ ពួកគេបានយកថ្មនោះចេញ។ បន្ទាប់មក លោកយេស៊ូងើយភ្នែកទៅលើ ក៏មានប្រសាសន៍ថា៖ «បិតាអើយ ខ្ញុំសូមអរគុណលោកដែលលោកបានស្ដាប់ខ្ញុំ។ ពិតមែនតែខ្ញុំដឹងថាលោកតែងតែស្ដាប់ខ្ញុំ ប៉ុន្តែខ្ញុំបាននិយាយដូច្នេះដោយសារមានបណ្ដាជនកំពុងឈរនៅជុំវិញ ដើម្បីពួកគេអាចជឿថាលោកបានចាត់ខ្ញុំឲ្យមក»។ លុះមានប្រសាសន៍អ្វីៗទាំងនេះចប់ហើយ លោកបន្លឺសំឡេងយ៉ាងខ្លាំងថា៖ «ឡាសា! ចូរចេញមក!»។ បុរសដែលស្លាប់នោះបានចេញមកទាំងមានក្រណាត់រុំដៃ ជើង និងមុខរបស់គាត់។ លោកយេស៊ូមានប្រសាសន៍ទៅពួកគេថា៖ «ចូរស្រាយគាត់ ហើយឲ្យគាត់ទៅចុះ»» (យ៉ូហាន ១១:៣០-៤៤)។
ចុងក្រោយនេសាទអព្ភូតហេតុ (មិនយូរប៉ុន្មានបន្ទាប់ពីការរស់ឡើងវិញរបស់ព្រះគ្រីស្ទ)៖ « ក៏ប៉ុន្តែ ពេលព្រឹកឡើង លោកយេស៊ូឈរនៅឯឆ្នេរ តែពួកអ្នកកាន់តាមមិនបានដឹងថាជាលោកយេស៊ូទេ។ លោកយេស៊ូមានប្រសាសន៍ទៅពួកគាត់ថា៖«កូនៗអើយ! អ្នករាល់គ្នាគ្មានអ្វី*បរិភោគទេ មែនទេ?»។ ពួកគាត់តបទៅលោកថា៖ «បាទ!»។ លោកមានប្រសាសន៍ទៅពួកគាត់ថា៖ «ចូរទម្លាក់អួននៅខាងស្ដាំទូក ហើយអ្នកនឹងរកបាន»។ ពួកគាត់ក៏ទម្លាក់អួនទៅ តែមិនអាចទាញឡើងវិញបានឡើយ ដោយសារជាប់បានត្រីច្រើនសន្ធឹកណាស់។ ដូច្នេះ អ្នកកាន់តាមដែលលោកយេស៊ូស្រឡាញ់ បាននិយាយទៅកាន់ពេត្រុសថា៖ «គឺជាលោកម្ចាស់!»។ កាលដែលស៊ីម៉ូនពេត្រុសឮថាជាលោកម្ចាស់ គាត់ក៏ពាក់អាវក្រៅ ព្រោះគាត់នៅខ្លួនទទេ រួចលោតចុះក្នុងទឹកសមុទ្រ។ ប៉ុន្តែ ពួកអ្នកកាន់តាមឯទៀតបានជិះទូកតូចនោះមក ទាំងទាញអួនពេញទៅដោយត្រីមកជាមួយផង ព្រោះពួកគាត់នៅមិនឆ្ងាយពីគោកទេ ប្រហែលតិចជាង១០០ម៉ែត្ » (យ៉ូហាន ២១:៤-៨)។
លោកយេស៊ូគ្រិស្ដបានធ្វើអព្ភូតហេតុជាច្រើនទៀត។ពួកគេពង្រឹងជំនឿយើងលើកទឹកចិត្តយើងនិងមើលឃើញពីពរជ័យជាច្រើនដែលនឹងមាននៅលើផែនដី។ពាក្យជាលាយលក្ខណ៍អក្សររបស់សាវ័កយ៉ូហានសង្ខេបយ៉ាងល្អិតល្អន់នូវអព្ភូតហេតុដ៏អស្ចារ្យជាច្រើនដែលព្រះយេស៊ូគ្រីស្ទបានធ្វើដើម្បីជាការធានានូវអ្វីដែលនឹងកើតឡើងនៅលើផែនដីនេះថា៖ «តាមការពិត មានការជាច្រើនទៀតដែលលោកយេស៊ូបានធ្វើ ហើយប្រសិនបើសរសេរអំពីការទាំងនោះឲ្យបានល្អិតល្អន់ ខ្ញុំគិតថាពិភពលោកទាំងមូលមិនល្មមទុករមូរទាំងអស់នោះឡើយ» (យ៉ូហាន ២១:២៥)។
***
អត្ថបទសិក្សាព្រះគម្ពីរផ្សេងទៀត៖
ព្រះបន្ទូលទ្រង់ជាចង្កៀងដល់ជើងទូលបង្គំ ហើយជាពន្លឺដល់ផ្លូវទូលបង្គំ (ទំនុកដំកើង ១១៩:១០៥)
ពិធីរំលឹកការសុគតរបស់ព្រះយេស៊ូវគ្រីស្ទ
មានការរងទុក្ខនិងអំពើអាក្រក់?
ក្តីសង្ឃឹមនៃជីវិតអស់កល្បជានិច្ច
តើត្រូវធ្វើអ្វីមុនពេលមានទុក្ខវេទនាជាខ្លាំង?
Other Asiatic Languages:
Laotian: ຫົກຫົວຂໍ້ການສຶກສາຄໍາພີ
Myanmar (Burmese): ကျမ်းစာလေ့လာမှုခေါင်းစဉ်ခြောက်ခု
Thai: หัวข้อการศึกษาพระคัมภีร์ 6 หัวข้อ
Vietnamese: Sáu Chủ Đề Nghiên Cứu Kinh Thánh
Tagalog (Filipino): Anim na Paksa sa Pag-aaral ng Bibliya
Indonesian: Enam Topik Studi Alkitab
Javanese: Enem Topik Sinau Alkitab
Malaysian: Enam Topik Pembelajaran Bible
តារាងភាសាសម្រាប់ជាងចិតសិបភាសា ដោយមានអត្ថបទព្រះគម្ពីរសំខាន់ៗចំនួនប្រាំមួយដែលត្រូវបានសរសេរនៅក្នុងនីមួយៗ…
Table of contents of the http://yomelyah.fr/ website
អានព្រះគម្ពីរជារៀងរាល់ថ្ងៃ។ ខ្លឹមសារនេះរួមបញ្ចូលអត្ថបទអប់រំអំពីព្រះគម្ពីរជាភាសាអង់គ្លេស បារាំង អេស្ប៉ាញ និងព័រទុយហ្គាល់ (ប្រើ Google Translate ដើម្បីជ្រើសរើសភាសាមួយក្នុងចំណោមភាសាទាំងនេះ ក៏ដូចជាភាសាដែលអ្នកជ្រើសរើសដើម្បីយល់ពីខ្លឹមសារនៃអត្ថបទទាំងនេះ)…
***